Janubiy Koreyaning dunyo bo‘yicha birinchi 100 talikka kirgan va reytingi yuqori bo‘lgan Koreya Universiteti bilan 2016-2022 yillarga mo‘ljallangan “Toshkent tibbiyot akademiyasida sog‘liqni saqlash sohasida ta’limni takomillashtirish”ga oid xalqaro ilmiy loyihasi doirasida kafedrada o‘quv jarayoni, o‘quv-uslubiy ishlar, ilmiy-tadqiqot ishlari, kadrlar tayyorlash va moddiy-texnik bazani kuchaytirish borasida salmoqli ishlar olib borildi.
Jumladan, O‘zR Prezidentining 2017 yil 5 maydagi “2017/2018 o‘quv yilida O‘zRning OTMlariga o‘qishga qabul qilish to‘g‘risida”gi 2955-sonli qaroriga asosan TTAda Koreya Universiteti bilan hamkorlikda «Atrof muhit va inson salomatligi» 5A510302 magistratura mutaxassisligi ochildi va hamkorlik asosida kadrlar tayyorlash boshlandi.
“Atrof muhit va inson salomatligi” mutaxassisligi magistratura talabalariga o‘quv jarayoni davomida hamkor mutaxassislar bilan birgalikda tuzilgan tematik reja asosida seminar mashg‘ulotlari olib borilmoqda hamda amaliy ko‘nikmalar o‘zlashtirilmoqda. Magistr talabalarning ilmiy ishlari esa zamonaviy asbob-uskunalar bilan jihozlangan ilmiy markazda olib borilishi yo‘lga qo‘yilgan. O‘quv jarayonini sifatli tashkil etish uchun barcha shart-sharoitlar yaratilgan.
2 yil o‘quv yili mobaynida “Atrof muhit gigienasi va inson salomatligi” va “Sanoat gigienasi va inson salomatligi” modullari bo‘yicha seminar mashg‘ulotlari olib boriladi. Talabalarning ilmiy tadqiqot olib borishi uchun TMA-KU Ilmiy markazdan tashqari SEO va JSB lar bilan shartnomalar tuzilgan.
O‘quv jarayoniga TTA Atrof muhit gigienasi, Kommunal va mehnat gigienasi, Tibbiy va biologik kimyo va Jamoat sog‘lig‘ini saqlash maktabi professor-o‘qituvchilari hamda KoreyaUniversiteti professor-o‘qituvchilari jalb etilgan. Hamkorlar bilan birgalikda ilmiy-amaliy konferensiyalar, seminarlar tashkil etib turiladi.
Hozirgi davrda magistr talabalar kredit-modul tizimda tahsil olmoqdalar. 2 yil mobaynida 120 kredit to‘plashi zarur. Har o‘quv yili uchun 60 kredit ajratilgan. Semestr davomida talaba tomonidan o‘zlashtirilishi lozim bo‘lgan kreditlar hajmi o‘quv rejasida ko‘rsatilgan majburiy va tanlov fanlarini o‘z ichiga oladi.
