2024 yil 14-fevral kuni Atrof muhit gigienasi kafedrasi professor o‘qituvchilari tomonidan, o‘zbek adabiyotining yirik namoyondalaridan biri, shoir, adib, olim, sarkarda, yirik davlat arbobi, “Buyuk Boburiylar sulolasi” asoschisi Zahiriddin Muhammad Bobur tavalludining 541 yilligiga bag‘ishlangan ma’naviy – ma’rifiy tadbir o‘tkazildi.
Tadbirda kafedra mudiri, professor Salomova F.I. shoir, adib, olim, sarkarda, yirik davlat arbobi, “Buyuk Boburiylar sulolasi” asoschisi Zahiriddin Muhammad Boburning hayoti va ijodi haqida so‘z yuritib, tadbir ishtirokchilarini Bobur tavalludi bayrami bilan qutlab, ulug‘ bobokalonimizning ijtimoiy-siyosiy hayotiga, uning asarlaridagi ma’naviy-tarbiyaviy jihatlarga alohida to‘xtalib o‘tdi.
Tadbirda kafedra professor o‘qituvchilari tomonidan tayyorlangan Zahiriddin Muhammad Boburning ijodiy yo‘llari haqida ma’ruza qilindi. Tadbir davomida Zahiriddin Muhammad Boburning g‘azallari va ruboiylaridan o‘qib eshittirildi. So‘ngra Zahiriddin Muhammad Boburning hayoti va ijodiga bag‘ishlangan viktorina savol-javoblari bo‘lib o‘tdi va g‘oliblar esdalik sovg‘alari bilan taqdirlandilar. Tadbir barchada yaxshi taassurot qoldirdi.
