2018 йилнинг 7 сентябр куни Тошкент тиббиёт академияси Корея Университети билан ҳамкорликда очилган Илмий тадқиқот марказида “Атроф муҳит ва инсон саломатлиги” магистратура йўналиши талабаларига Корея Университети профессори Ким Сук Вон ва Атроф муҳит гигиенаси кафедраси профессор-ўқитувчилари иштирокида семинар машғулоти бўлиб ўтди. Семинар машғулотда ҳамкорликда ишлаб чиқилган “Саноат гигиенаси ва инсон саломатлиги” фан дастурига асосан “Ўзбекистон Республикасида меҳнат муҳофазасига оид қонуний меъёрий асослар” мавзусида тайёрланган тақдимот материаллари муҳокама қилинди. Шунингдек, Жанубий Кореяда меҳнат ва ишчилар саломатлиги муҳофазасининг ўзига хос томонлари ҳақида тўҳталиб ўтилди.
